نصائح وأجابات لكثير من اسئلتكم بخصوص البيبى !؟

اجابات متنوعه


الاطفال اول سنتين ملهمش مواعيد نوم حتى لو الطفل مش هينام الا خمس دقايق فى اليوم

و اول 4 شهور ملهمش اى احصائيات نمشى عليها . ( نوم  ملغبط ) .

الحمام عند الاطفال لونه ممكن يكون اصفر او اخضر او اسود و عليه نسبه اخضر مفيش مشكله و يكون سايل او ماسك شويه او فيه مخرز مفيش اى مشاكل و مش محتاج اى علاج و التحزيف عادى طول فتره اول 4 شهور بتوع الالتزام بالرضاعه

الطفل عند سنه الى سنه و نصف لو متكلمش نعرضه على انف و اذن و نعمل له مقياس سمع و نستبعد اى مشاكل نفسيه و عصبيه و عضويه فى الاذن و الاعصاب

علاج الصفرا الوليديه هى الاشعه الضوئيه فقط اى ادويه تانيه كلها كلام سوق و اثرها مش مؤكد لكن اغلب الناس بيزعلوا لما اقولهم مش محتاج اى علاج و علاج الطفل فقط الرضاعه و المتابعه الا فى بعض الحالات و دى شغله الدكتور

ادويه الانتفاخ للاطفال كلها تحصيل حاصل لا السبب مازال موجود الا و هو الحليب سواء كان الطبيعى او الصناعى

لبن الام مفييد علاطوووووووووووووووووووووووووووووووول حتى لو بعد 3 سنوات كمان (حصل من بعض الامهات كانوا بيتدلعو و خايفين طفلهم يتعب نفسيا لما يتفطم ) لكن الطفل بيحتاج زياده على هيئه تغذيه

تطعيم شلل الاطفال هو الوحيد اللى متخافوش ان الطفل ميتطعموش لانه بياخده باى طريقه و ملوش جدول ولا مواعيد

بلاش جيلاتى خالص للاطفال لا قبل سنه و لا عند اى سن

المانجو و الفراوله نخف منها شويه كتييييييييرررررررررررررررر علشان الاملاح و حمو النيل للاطفال

عينه الغده الدرقيه من اليوم الثالث الى اليوم السابع رجاء محدش يأخركم لانها مهمه جدا

الدعك خلف الاذن عند الاطفال ممكن يكون حساسيه او حمو نيل او ممكن يكون التهاب مكان الاسنان فى الفم و المنطقه الجانبيه من الوجه بتؤلم الطفل

الطهاره من اليوم الاول و حتى الربعين بتكون زى الفل بتكون صعبه و كل م الطفل بيكبر بيحتاج مخدر

المعطر و الريحه و البرفانات بلاش منها علشان لو الطفل عنده استعداد للحساسيه و لو مفيش بد يبقى و احنا خارجين و من برا على الملابس

الطفل من عمر سنه و حتى خمس سنوات ضرووووووووووووووووووووووورى نهتم بانيميا الحديد و ياخد فيتامينات

ضرورى مع كل زياره لدكتور الاطفال نطمن على فتحه النافوخ و نشوف الاذن و منظقه الحفاضات

بعض الاطفال الذكور بيكون عندهم ميه على الخصيه دى مفيش منها مشكله و ممكن الطفل يتظاهر و بتروح ان شاء الله عند عمر سنه

رجااااااااااااااااااااء اى حد عنده طفل مولود ذكر يطمن على فتحه المااء فى العضو عنده علشان لو فيه حاجه يبقى من بدرى نطمن على الخصيتين و لو معلقه يبقى على عمر سنه نشكف جراحه و نعمل اشعه تليفزيونيه للاطمئنان

اى ترجيع بزياده عند الاطفال فى اول 4 شهور بدون زياده فى الوزن نعمل اشعه تليفزيونيه على البطن و نطمن اى انسداد معوى

اثناء الرضاعه الطفل ممكن ينهج شويه و يعرق لكن تزيد يبقى محتاجين نكشف عند الدكتور بتاعنا علشان نطمن ان البيبى معندوش اى مشاكل من اى نوع سواء فى الصدر او القلب و فى الاخر بتكون مشكله فى الانف و علاجها نقط محلول ملحى

رجاء مفيش حاجه اسمها كحه ناشفه عند الاطفال و معرفش لبوس ايه و مذيب مين و كلام من دا – الكحه عند الاطفال اول 6 شهور نستبعد حاجتين التهاب الانف و الارتجاع و مش اى علاج لطفل ينفع البيبى التانى

و لو مفيش اى حاجه فيهم يبقى ضرورى نسمع صدر الطفل و نتابعه كويس

الايام دى الحموم يوميا مفيش مشكله

الطفل كل شهر يتابع وزن و طول و محيط رأس و تطور حركى و عقلى - لما تيجى ليا طفله عمر سنه و شهرين و وزنها 6 كيلو يبقى اتخانق انا مع مين و على فكره سوء التغذيه او ان الطفل ميزيدش ممكن يكون حاله نفسيه

تطعيم الدرن و الطهاره و عينه الكعب فى المواليد ملهمش اى علاقه بالصفرا - و محدش يشتغلنا لو سمحتم

التهاب الغدد الليمفاويه اللى فى الرقبه عادى بيحصل مع التهاب الحلق او التسنين او حمو النيل – اهم حاجه المتابعه

التطعيم للدرن بيكون فى اى يوم فى اول 45 يوم للطفل و التطعيمات اللى بعد كدا رجاء عند 60 و 120 و 180 يوم يعنى شهرين و اربعه و سته --- و اهم من دا نحسب 60 يوم من اخر تطعيم

الاطفال فى اول سنه من العمر ممكن ييجى عندهم شويه اختلاف فى الوان الجلد يعنى منظقه افتح من التانيه – اهم شرط عندى ان الطفل ميدهنش عليها اى حاجه و بتكون تغييرات فى الصبغيات يعنى وحمات و مفيش منها مشاكل لكن بشرط اننا نطمن انها مش بهاق و لا اى حاجه تانيه و اللى يطمنا هو دكتور الجلديه

الديدان و الاميبا عند الاطفال

طالما العادات اللى عندنا - الاظافر طويله – عدم غسيل الايدى باستمرار – اللعب الطبيعى عند الاطفال – الاكل الغير صحى يبقى كل مره ياخدوا ادويه ديدان هتيجى ليهم تانى و بالتالى – العادات الصحيه قبل اى علاج و التحاليل بصفه دوريه كل 3 شهور مطلوبه بول و براز

التسنين بيبتدى من الشهر السادس لحاد سنه و شهر من غير قلق و بلاش حوار حقن فيتامين د لانها مبتقربش بعيد ولا بتعمل اللى متعملش

فيتامين د بيتاخد من عمر 5 ايام لحااااااااد سنه ممكن الكالسيوم يدخل من الشهر السادس المواعيد دى مش اجبارى ممكن قبل كدا او بعد كدا حسب الطبيب اللى متابعين معاه

الاطفال اللى لسه مولودين بيكون عندهم شويه وحمات فى الجبهه او فى الجفون ان فى القفا من ورا او عند المقعده - اسألو دكاترتكم عليها مع اول كشف - اغلبها بتروح على سنتين

الاطفال بعد عمر 8 شهور بيبتدوا يبقى غلسين فى الاكل و بيرفضوا و يقفلوا الفم عند الاكل دا غير احساس القىء و علشان كدا الصبر مطلوووووووووب

رجاء الاكل قبل سنه بيكون مضروب فى الخلاط و سائل و الاكل بعد قبل سنيتن مهروس بعد سنتين يستحب الاكل العادى علشان قدره امعاء الطفل على الهضم و نسبه الاكل اللى بتكون مش مهضومه فى البراز دا شىء طبيعى لكن فى حدور

الدمامل اللى بتحصل فى الاطفال فى الوجه و البطن و فروه الرأس بتحتاج كشف اغلبها مبيحتاجش يتفتح طالما بتتعالج صح و بتكون بسبب الحر و عدم النظافه او البشره دهنيه و ساعات بنقول عنها انها عفونه فى البطن - طيب موضوع انها تاخد خميره و الكلام دا - ملوش اى لازمه – الطفل يتعالج صح و لو له اخوات معاه يتاعلجوا و النظافه مطلوبه و التهويه ضرورى

حمو النيل كتير اوى الايام دى – بيخف بالماء البارد – و الكريمات المرطبه لو كانت كتير و التهبت بتحتاج مراهم و مضادات حيويه كتيره و متابعه و بلاش نروح نسأل مين و نكلم اى حد كان عنده علشان الحاجات دا متطولش

الاطفال اللى لسه مولودين بلاش نلفهم و لفه الوسط و اكتر من قطعه و قفل المروحه و مفيش حموم قبل السابع مع السره و الكلام دا كله كلام فاشل و بيعمل مشاكل للاطفال - كفايه ان الحر ممكن يعمل للطفل جفاف و ممكن يعمل حمو نيل و يلتهب و دى شغلانه تانيه

الحمام فى اول 4 شهور ملوش حاجه ثابته طالما الطفل لسه بيرضع سواء طبيعى او صناعى

و الحمام لحاد 8 مرات طبيعى و مياخدش اى ادويه اسهال اللى مينفعش تتاخد خااااااااااااااااااااالص و الطفل ممكن يعمل مره كل 4 ايام و ميبقاش امساك وبلاش كلام الملينات و القراصيا و الكلام اللى الناس مبتصدق تقعد تحكى فيه

لا ملينات و لا ادويه اسهال طالما الطفل بيرضع

اى ادويه عاوزين نعيطيها للطفل يبقى ضرورى يعمل تحليل براز لانها ممكن تكون حساسيه حليب و دا معناه ان اى ادويه تتاخد للاطفال مش بسهوله الكلام

تطعيم الاطفال فى اول 6 شهور بتاع 2 و 4 و 6 شهور

الطفل بيروح من غير رضاعه ساعه قبل و ساعه بعد التطعيم علشان تطعيم شلل الاطفال و يباخد الحقنه فى الفخد و نروح البيت بنعمل كمادات بماء بارد اللى عاوز نشا و نشاره او لزقه و الكلام الكتير دا كله تحصيل حاصل مبيعملش حاجه زياده و بالتالى رجاء نتابع الحراره للطفل دايما و الطفل ممكن ييجى له حراره و ياخد ليها خافض اول يومين اكتر من كدا يبقى لازم يكشف

ضرورى الكمادات

الكالسيوم عند الاطفال المفروض من عمر 6 شهور و الجرعه فى الحد الادنى بتاعها

تزيد او تقل على حسب الكشف على الطفل و هل عنده نقص كالسيوم او علامات لين عظام ولا مفيش لانها هتفرق من علاج ب 5 جنيه ل علاج ب 170

ممكن الكالسيوم يتاخد عند الاطفال من عمر يوم على حسب الحاله لو كان الطفل مبتسر او حجمه صغير او بيرضع طبيعى و فيه مشاكل لين عظام

فيتامين د بيتاخد من عمر يوم لحاااااااااااد سنتين على حسب الحاله

فيتامين ك بيتاخد للاطفال بعد الولاده علااااااااطول خلال اول 3 ايام ثم عند عمر 3 ايام ثم على 28 يوم للاطفال اللى بترضع طبيعى علشان حليب الام بيكون ضعيف فى نسبه فيتامين ك اللى بيمنع النزف

المواليد الاناث ممكن نلاقى لون احمر فى البامبرز خلال اول اسبوعين دى اسمها دوزه كاذبه و مفيش منها مشكله

الاطفال الموااااااااليد لابد من الكشف عليها فى اول يومين من بعد الولاده علشان اى حاجه تتشاف بدرى

زى فتحه مجرى البول عند الذكور و اى خصيه معلقه علشان الاهل يعرفوا

(ولازم الطفل يتفك البامبرز بتاعه ) مع كل كشف و يتقاس الطول و الوزن و محيط الرأس

حالات الصفرا بتتابع اول 15 يوم و ممكن تستمر فى الجلد او بياض العين لحاااااااد ال40

اماكن الحفاضات و العنايه بها

اولا مفيش اى دوا او كريم ينفع طفلين زى بعض و بالتالى اى كلام عن كريمات و كورتيزونات و الكلام دا و

رجاء منظقه الحفاضه نحافظ عليها جافه و نظيفه

و بلاش اى حاجه اسمها مناديل مبلله لانها بتعمل الامهات الكسل

الطفل يعمل حمام ينضف كويس بالماء الجارى البارد و الصابون قليل الحساسيه

ممكن دهان زيوت الاطفال لو كان الجلد سليم

لكن لو حصل التهابات يبقى بلاش لان ممكن تزود الالتهابات و ممكن كمان الطفل يؤلمه جامد

اى دهان من دماغنا اخره 3 ايام لو مفيش تحسن بلاااااااااااااااااااااااااااااااش نغير دوا من دماغنا و نوديه لصيدلى و الكلام دا

دى شغله دكاتره الجلديه

مراهم الحساسيه ممكن تعمل بقع حمرا و تغيير فى لون الجلد على المدى الطويل

يارب الناس كلها تستفيد