مبروك الولادة ..... بس شوفى النصائح دى !!

مبرووووك يا ام جومانه
مبروووووك لكل ام بتولد دلوقت
قبل م تدخلي العمليات ..... نبهي علي الدكتور انك تشوفي النونو لحظه الولاده و خروج النونو من بطنك
و ان محدش يشيل طبقه الكريمه اللي حواليه ... نضافه بقطنه بميا دافيه و بس ...... علشان الزيت بيزود معدلات العدوي ... وان الاستحمام للمولود بعد يومين
و تعرفي اهلك ان النونو محدش يشيله يهزه كتير عشان ميتعودش علي الشيييل ... و انك اول م تخرجي من العمليات النونو يلامس جلد حضرتك و مينزلش من علي صدرك اول ٣ ايام متواصله
وممنوع الجلوكوز و اللبن الصناعي ولا الاعشاب و لا سرنجه الينسون .....  ولا الصعبنه انك لسه منزلش ليكي اي لبن . و ان النونو عمال يدور و يعيط... قوليلهم ملهمش دعوه .... هينزله له رزقه انتي بس خودي بالاسباب .....
و مفيش حاجه اسمها يلبس ٦ قطع و ٣ بطاطين .... هي حته واحده بس و يتحط في حضنك ... مفيش كلام غير كدا
ونامي علي اي وضعيه تريحك و بعد كدا اظبطي النونو علشان الرضاعه ... مش لازم تقومي تقعدي و الجرح يوجعك  ابداااااا......
و متخديش مسكنات عمال علي بطال ...  مسموح لباندول عند اللزوم      و بلاش لبوس و حقن مسكن او  مخدر عمال علي بطال . كدا كدا الوجع شغال و ثوابك مضمون باذن الله
..... و لو ولد ..... عرفي اللي معاكي انه يتطاهر في نفس اليوم خلينا نخلص ....
و قولي لقرايبك ياخدو النون علي اقرب مستشفي حكومي علشان يروح ياخد حقنه الكبدي ب ( الفيروس .. الجرعه الصفريه) ... المهم متضيعش عليكم اول ٢٤ ساعه .....